Хыпарсем: Максим Горький

ЮПА

Анклав ыйтӑвне татса парас тесе Калуга облаҫӗн лаптӑкне пӗчӗклетнӗ
■ Аçтахар Плотников | 31.10.2014 16:26 |

#Канаш, #Улмаллӑ Ял, #Тутарстан, #Шӑмӑршӑ районӗ, #Вӑрӑмхӑва, #Елчӗк районӗ, #анклавсем, #чикӗсем, #Раҫҫейре, #Смоленск облаҫӗ, #Калуга облаҫӗ, #Максим Горький, #Ҫӗпрел районӗ, #Чӑваш Паснапуҫ, #Ҫӗнӗ Упи, #Кивӗ Упи

Раҫҫейре

Калуговски посёлокӗн анклавӗ

Калуга облаҫӗн Смоленск облаҫӗн ҫӗрӗнче пӗр анклав вырнаҫнӑ — Калуговски посёлок. Унта 199 ҫын, ҫав шутра 55 ача пурӑнать. Посёлокра пурӑнакан ҫынсемшӗн ку хӑш-пӗр чӑрмавсем кӳнӗ пулать — куҫман пурлӑха регистрацилеме, социаллӑ инженери инфрструктурине юсама чӑрмантарнӑ.

Ӗнер вара Смоленск депутачӗсем икӗ регион хушшинче тунӑ килӗшӗве алӑ пусса ҫирӗплетнӗ. Смоленск облаҫӗ ҫапла май 386 гектар ҫӗр ҫухатать, ун вырӑнне Калуга облаҫӗ ӑна 415 гектар ҫӗр парать. Ку ылмашусене тунӑ хыҫҫӑн Калуговски посёлокӗ Калуга облаҫӗн ҫӗрӗсем ҫинче вырнаҫма тытӑнӗ, анклав шайӗнчен тухӗ.

Асаилтеретпӗр, Чӑваш Енӗн те унашкал анклавсем сахал мар: Елчӗк районӗнчи Вӑрӑмхӑва, Шӑмӑршӑ районӗнчи Улмаллӑ Ял, Канаш тата Максим Горький ялсем. Вӗсем тавра чӑваш ялӗсем пур пулин те вӗсене кӳршӗ республикӑн ҫӗрӗсем ҫавӑрса илнӗ: Канаш тӗслӗхрен Тутарстанӑн Ҫӗпрел районӗн варринче вырнаҫнӑ. Унсӑр пуҫне хӑш-пӗр чӑваш ялӗ республикӑн чиккипе юнашар пулин те Тутарстан ҫӗрне кӗрет (т-х: Чӑваш Паснапуҫ, Ҫӗнӗ Упи, Кивӗ Упи, т. ыт. те).

Хыпар ҫӑлкуҫӗ: http://www.kaluga-poisk.ru/new...skoy-oblasti-izmenyatsya/